ޝިއޯމީގެ ޕޮކޯ ބްރޭންޑުން 2025 ވަނަ އަހަރުގެ އޮގަސްޓު މަހުގެ 13 ވަނަ ދުވަހު އޭގެ އެންމެ ފަހުގެ، އަގު ހެޔޮ އަދި ބާރުގަދަ ސްމާޓްފޯނު، ޕޮކޯ އެމް7 4ޖީ، ރަސްމީކޮށް ތައާރަފުކޮށްފިއެވެ.

މި ފޯނަކީ މަތީ ފެންވަރުގެ ޑިސްޕްލޭއަކާއި، މިހާތަނަށް ފޯނަކުން ފެނިފައިނުވާފަދަ ދިގު ބެޓަރީ އުމުރެއް ފޯރުކޮށްދީ، ފޯނު ބާޒާރުގެ އެންޓްރީ-ލެވެލް ބައި އައު މާނައަކަށް ގެނައުމަށް އުފައްދާފައިވާ ޑިވައިސްއެކެވެ.

ދިގު ބެޓަރީ އުމުރަކާއި ބޮޑު ސްކްރީނެއް ބޭނުންވާ ފަރާތްތަކަށް، ޕޮކޯ އެމް7 އަކީ މި އަހަރުގެ އެންމެ ފައިދާބޮޑު އަގު ހެޔޮ ފޯނު ކަމަށް ބެލެވެއެވެ.

ޕޮކޯ އެމް7 ގެ އެންމެ މުހިންމު ސިފައަކީ، އޭގައި ހިމެނޭ 7000 އެމް.އޭ.އެޗް. ސައި/ސީ ލި-އޮން ބެޓަރީއެވެ. މިކަމުގެ ސަބަބުން ބެޓަރީ ގިނައިން ބޭނުންކުރާ ފަރާތްތަކަށްވެސް ދެ ދުވަސް ވަންދެން ހެވީ ޔޫސްގައި ފޯނު ބޭނުންކުރެވޭނެކަން ކަށަވަރުކޮށްދެއެވެ.

މި ބޮޑު ބެޓަރީ ޗާޖުކުރުމަށް 33 ވޮޓްގެ ވައިރޑް ޗާޖިންއަށް ސަޕޯޓްކުރާ އިރު، 18 ވޮޓްގެ ރިވާސް ވައިރޑް ޗާޖިން ފީޗާވެސް ހިމެނެއެވެ.

މިއީ އޭގެ ސަބަބުން އެހެން ޑިވައިސްތައް ޗާޖުކުރުމަށްވެސް ބޭނުންކުރެވޭނެ ފޯނެކެވެ.
މި ފޯނަކީ އަގު ހެޔޮ ފޯނެއް ނަމަވެސް، 6.9 އިންޗީގެ ބޮޑު އައި.ޕީ.އެސް. އެލް.ސީ.ޑީ. ޕެނަލެއް ހިމަނައިގެން ވިޝުއަލް ތަޖުރިބާގައި ފަރުވާ ކުޑަކޮށްފައެއް ނުވެއެވެ.

144 ހެރްޓްޒްގެ ރިފްރެޝް ރޭޓާއި 850 ނިޓްސްގެ ޕީކް ބްރައިޓްނެސްއެއް ހުންނާތީ، ސުލިހަ ސްކްރޯލިންގއާއި ގޭމިންގ ޕަރފޯމަންސްއާއި އަދި ބޭރުގެ އަލިކަން ގަދަ ތަންތަނުގައިވެސް ސްކްރީން ސާފުކޮށް ފެނުން ކަށަވަރުކޮށްދެއެވެ.
ޕޮކޯ އެމް7 ގައި ހިމެނެނީ 4ޖީ އަށް ހާއްސަ ކުއަލްކޮމް ސްނެޕްޑްރެގަން 685 (6 އެން.އެމް.) ޗިޕްސެޓެކެވެ.

މިއީ ދުވަހު ކަންކަމަށާއި، ސޯޝަލް މީޑިއާ ބޭނުންކުރުމަށާއި، ކުދިކުދި ގޭމް ކުޅުމަށް ފުދޭވަރގެ ހަރުދަނާ ޕަރފޯމަންސްއެއް ފޯރުކޮށްދޭ ޕްރޮސެސަރެކެވެ.

އެންޑްރޮއިޑް 15 އާއެކު ބާޒާރަށް ނެރޭ ފުރަތަމަ ފޯނުތަކުގެ ތެރޭގައި ހިމެނޭ މި ޑިވައިސްގައި ޝިއޯމީގެ އައު ހައިޕަރއޯއެސް 2 ވެސް ހިމެނެއެވެ.

6ޖީބީ ނުވަތަ 8ޖީބީ ރޭމްއާއި، 256ޖީބީއާ ހަމައަށް އިންޓާނަލް ސްޓޯރޭޖްގެ އިހްތިޔާރު ލިބޭނެއެވެ.

އަދި މައިކްރޯއެސް.ޑީ.އެކްސް.ސީ. ސްލޮޓެއް މެދުވެރިކޮށް ސްޓޯރޭޖް އިތުރުކުރެވޭނެއެވެ.

ފޮޓޯ ނެގުމަށް، ޕޮކޯ އެމް7 ގައި 50 މެގާޕިކްސެލްގެ މައި ކެމެރާއެއް ހިމެނޭއިރު، މިއީ ދުވާލުގެ އަލީގައި ސާފު ފޮޓޯ ނަގާ އަދި ހައި ޑައިނަމިކް ރޭންޖް (HDR) އާއި 1080ޕީ ވީޑިއޯއަށް ސަޕޯޓްކުރާ ކެމެރާއެކެވެ.

ކުރިމަތިން 8 މެގާޕިކްސެލްގެ ސެލްފީ ކެމެރާއެއްވެސް ލިބިފައިވެއެވެ.

މި ފޯނަކީ ދިހާފާއި ފެން ރައްކާތެރިކުރުމަށްޓަކައި އައި.ޕީ.64 ރޭޓިންއެއް ލިބިފައިވާ، 224 ގްރާމް ބަރުދަންހުރި، 8.6 މިލިމީޓަރުގެ ބޯމިނެއް ހުންނަ ފޯނެކެވެ.

ޖުމްލަ ގޮތެއްގައި ބަލާއިރު، ޕޮކޯ އެމް7 4ޖީ އަކީ 5ޖީގެ ހައިޕްއަށް ސަމާލުކަން ނުދީ، ބޮޑު ސްކްރީން، ސުލިހަ ހަރަކާތްތައް، އަދި ދިގު ބެޓަރީ އުމުރަށް އަހައްމިއްޔަތުކަން ދީގެން އުފައްދާފައިވާ ޑިވައިސްއެކެވެ.

އެގޮތުން، 2025 ވަނަ އަހަރުގެ އެންމެ ރަނގަޅު އަގު ހެޔޮ ސްމާޓްފޯނަށް މި ފޯނު ވެގެންދާނެ ކަމަށް ވަރަށް ބޮޑަށް ބެލެވެއެވެ.

އިތުރު މައުލޫމާތު ސޮއްޓިބިޒްގެ ވެބްސައިޓުން ނުވަތަ 7750004 ނަންބަރުގެ ވަޓްސްއެޕްއިން ލިބޭނެއެވެ.